Design Thinking ဆိုတာ စာအုပ်ကြီးအတိုင်း ဖတ်နေရုံနဲ့ မပြီးပါဘူး။ တကယ့် Designer တွေဟာ ပြဿနာတွေကို ခေါင်းထဲမှာတင်မထားဘဲ Visual (မျက်စိနဲ့ မြင်သာအောင်) ပုံဖော်ကြည့်လေ့ရှိကြပါတယ်။ ဒီနေ့မှာတော့ သင့်ရဲ့ Idea ကို အသက်ဝင်လာစေမယ့် အထိရောက်ဆုံး Tools (၃) ခု အကြောင်းကို အသေးစိတ် လေ့လာသွားပါမယ်။ 🛠️ 🛠 Tool (1): Empathy Map (စိတ်ခံစားမှု မြေပုံ) ဒါကတော့ Empathize အဆင့်မှာ သုံးစွဲသူရဲ့ စိတ်ထဲ နက်နက်ရှိုင်းရှိုင်း ထိုးဖောက်ဝင်ရောက်ဖို့ သုံးတာပါ။ သုံးစွဲသူကို ကဏ္ဍ (၄) ခုနဲ့ ခွဲခြားကြည့်ရအောင် - Says (ဘာပြောလဲ): သူတို့ နှုတ်ကနေ ထွက်လာတဲ့ စကားလုံးများ။ Thinks (ဘာတွေးလဲ): အပြင်ထုတ်မပြောပေမဲ့ စိတ်ထဲမှာ စိုးရိမ်နေတာ ဒါမှမဟုတ် မျှော်လင့်နေတာတွေ။ Does (ဘာလုပ်လဲ): သူတို့ရဲ့ လက်တွေ့ အပြုအမူတွေ။ Feels (ဘာခံစားရလဲ): သူတို့ရဲ့ စိတ်ခံစားချက် (စိတ်ရှုပ်တာ၊ ပျော်တာ၊ ကြောက်တာ)။ 🛠 Tool (2): Customer Journey Map (သုံးစွဲသူ၏ ခရီးစဉ်မြေပုံ) သုံးစွဲသူတစ်ယောက်က ကျွန်တော်တို့ဆီကနေ ဝန်ဆောင်မှုတစ်ခုရဖို့ စတင်သိရှိချိန်ကနေ သုံးပြီးတဲ့အထိ အဆင့်ဆင့် ဖြတ်သန်းရတဲ့ "လမ်းကြောင်း" ကို ဆွဲတာပါ။ ဘယ်အဆင့်မှာ သူတို့ မျက်မှောင် ကြုတ်နေလဲ (Pain Points) ဆိုတာ ရှာဖို့ အကောင်းဆုံး Tool ပါပဲ။ ဥပမာ - ကော်ဖီဆိုင်သွားခြင်းခရီးစဉ်: ဆိုင်ထဲဝင် -> မှာယူ -> တန်းစီ -> ငွေချေ -> ကော်ဖီရ။ အကယ်၍ "တန်းစီခြင်း" မှာ သူတို့ အရမ်းစောင့်နေရရင် အဲ့ဒီနေရာက ကျွန်တော်တို့ ပြင်ရမယ့် အခွင့်အလမ်း (Opportunity) ပါပဲ။ 🛠 Tool (3): User Persona (သုံးစွဲသူ၏ ပုံရိပ်လွှာ) ယခင်ပို့စ်မှာအကျဉ်းဖော်ပြခဲ့ပီးတဲ့အတိုင်းသုံးစွဲသူကို လူသားတစ်ယောက်လို အသေးစိတ် ပုံဖော်တာပါ။ ဥပမာ - အမည်: မောင်အေး (Software Engineer) ရည်မှန်းချက်: ကျန်းမာရေးနဲ့ညီညွတ်တဲ့ အစာကို အမြန်စားချင်တယ်။ အတားအဆီး: ချက်ပြုတ်ဖို့ အချိန်မရှိဘူး၊ ဈေးဝယ်ရမှာ ပျင်းတယ်။ 📝 လေ့ကျင့်ခန်း - Tool ကို လက်တွေ့သုံးကြည့်ခြင်း "လူငယ်တွေ အသီးအနှံ ပိုစားလာအောင် လုပ်ခြင်း" ကို ဒီ Tools တွေသုံးပြီးစမ်းကြည့်ရအောင်။ သင်က အလုပ်များတဲ့ လူငယ်တစ်ယောက်ကို အင်တာဗျူးလိုက်တဲ့အခါ သူက ဒီလိုပြောတယ် - "အသီးအနှံ စားချင်တာပေါ့။ ဒါပေမဲ့ ဈေးမှာ ဝယ်ရတာက တစ်ခါတလေ ပုပ်နေတာတွေ ပါလာတတ်တယ်။ ပြီးတော့ တစ်ယောက်စာပဲ လိုချင်တာကို အထုပ်ကြီးတွေပဲ ရောင်းတော့ ပိုတာတွေ လွှင့်ပစ်နေရတယ်။ အဲ့ဒါကြောင့် အလွယ်တကူ ဝယ်လို့ရတဲ့ အာလူးကြော်ပဲ စားလိုက်တော့တယ်" ကဲ... အခု ဒီလူငယ်အတွက် "Empathy Map" ထဲက (၂) ချက်ကို Comment မှာ ဖြည့်ပေးကြည့်ပါဦး။ ၁။ Does (သူ လက်တွေ့မှာ ဘာလုပ်လိုက်သလဲ): .................................... ၂။ Thinks/Feels (သူ့စိတ်ထဲမှာ ဘာကို စိုးရိမ်နေသလဲ): .................................... (ဒီနှစ်ချက်ကို ဖြေကြည့်ပေးပါ။ ပြီးရင် ကျွန်တော်တို့ Customer Journey Map ဆွဲတဲ့အဆင့်ကို ဆက်သွားပါမယ်။) 🚀 Written by Dr. Ye Lwin #DesignThinking #EmpathyMap #CustomerJourney #UserPersona #ProblemSolving #Innovation #DrYeLwin